തളരാം പക്ഷെ തകരരുത് !

പരീക്ഷയിൽ തോറ്റു വന്ന മകനെ മുല്ല നസീറുദ്ദീൻ ഒറ്റയടി .
" ജയിക്കാമായിരുന്ന ഒന്നിലും  തോൽക്കരുത് , അതു പഠിക്കാനാണ് ഈ അടി."
രണ്ടാം ദിവസം മകൻ പരീക്ഷ ജയിച്ചു വന്നു. പക്ഷേ അന്നും കൊടുത്തു ഒരടി.
പരീക്ഷ ജയിച്ചെങ്കിലും നീ വീട്ടിൽ എത്താൻ വൈകി ,
"സമയത്ത് എത്താൻ കഴിയുന്ന ഒരിടത്തും വൈകരുത് "
മൂന്നാം ദിവസം പരീക്ഷ ജയിച്ചിട്ടും സമയത്ത് എത്തിയിട്ടും അടി കിട്ടി. നിന്റെ വസ്ത്രത്തിൽ ആകെ അഴുക്ക്. "വൃത്തിയോടെ സൂക്ഷിക്കാൻ സാധിക്കുന്നതൊന്നും അഴുക്കാക്കരുത് " എന്ന് പഠിക്കാനാണ് ഈ അടി.
ഇനി അടി വാങ്ങരുത് എന്ന് കുട്ടി തീരുമാനിച്ചു.നാലാം ദിവസം പരീക്ഷ ജയിച്ച് കൃത്യസമയത്ത് - ഒട്ടും മുഷിയാത്ത വേഷത്തിൽ സന്തോഷത്തോടെ വീട്ടിലെത്തി. പക്ഷേ അന്നാണ് ഏറ്റവും വലിയ അടി കിട്ടിയത്. കുട്ടി ചോദിച്ചു " ഇന്നെന്തിനാണ് എന്നെ തല്ലിയത്;? എന്റെ ഭാഗത്ത്‌ ഒരു തെറ്റുമില്ലല്ലോ?

മുല്ല പറഞ്ഞു "കൃത്യതയോടെ നീ ജീവിച്ചാലും ഈ ലോകം പലപ്പോഴും ഒരു കാരണവുമില്ലാതെ നിന്നെ ശിക്ഷിക്കും" അതു മനസ്സിലാക്കുവാനാണ് ഈ അടി. നിന്റെ പഠനം പൂർത്തിയായിരിക്കുന്നു ! ഒരാളുടെ ശരികളും നേട്ടങ്ങളുമല്ല, അയാളുടെ തെറ്റുകളും പോരായ്മകളുമാണ് ലോകത്തിന് വേണ്ടത്. നന്മയുടെ മേന്മയേക്കാൾ തെറ്റിന്റെ ശരി തേടിപ്പോകാനാണ് എല്ലാവർക്കുമിഷ്ടം..

വിമർശനങ്ങൾ കർമ്മശേഷിയെ നശിപ്പിക്കരുത്. ലോകത്തിന്റെ തീർപ്പുകൾക്കനുസരിച്ച് ഒരാൾക്കും ജീവിക്കാനാവില്ല...